11იანვარს 11:00 სთ-ზე გორის მუნიციპალიტეტის საკრებულოს სხდომათა დარბაზში საკრებულოს მორიგი სხდომა გაიმართა, სადაც საკრებულოს წევრებმა დღის წესრიგით განსაზღვრული 11 საკითხი განიხილეს.
საკრებულოს მიღებული დადგებილებით,მეორე მსოფლიო ომის ვეტერანთა ოჯახები, საქართველოს ტერიტორიული მთლიანობის,თავისუფლებისა და დამოუკიდებლობისათვის დაღუპულთა და უგზო-უკვლოდ დაკარგულთა ოჯახები, საბრძოლო მოქმედებების შედეგად მკვეთრად, მნიშვნელოვნად და ზომიერად გამოხატული შეზღუდული შესაძლებლობის მქონე ვეტერანთა ოჯახები, სხვა სახელმწიფოთა ტერიტორიაზე საბრძოლო მოქმედებების შედეგად მკვეთრად, მნიშვნელოვნად და ზომიერად გამოხატული შეზღუდული შესაძლებლობების მქონე ვეტერანთა ოჯახები“ გათავისუფლდნენ დასუფთავების მოსაკრებელი თანხის გადასახადისაგან.
სხდომაზე აგრეთვე მოისმინეს “ა(ა)იპ გორის მუნიციპალიტეტის საზოგადოებრივი ჯანდაცვის ცენტრის (ს/კ 218081590) 2018 წელს გაწეული საქმიანობის ანგარიში. მაღალი საზოგადოებრივი ინტერესებიდან გამომდინარე ცენტრის დირექტორმა საკრებულოს წევრებს და სხდომაზე დამსწრე საზოგადოებას მიაწოდა ინფორმაცია მოხშირებული ვირუსული ინფექციებით გამოწვეული ვითარების შესახებ.
