გორის მუნიციპალიტეტის საკრებულოს
წევრის ზვიად საბანაძის
ანგარიში
გაწეული საქმიანობის შესახებ
2019 წლის იანვრიდან მიმდიანრე პერიოდის ჩათვლით
მოგახსენებთ, რომ 2019 წლიდან დღემდე დავესწარი გორის მუნიციპალიტეტის საკრებულოს 5 სხდომას და მონაწილეობა მივიღე 115 საკითხის განხილვაში. ასევე, დავესწარი 2 ბიუროს სხდომას, სადაც განხილულ იქნა 35 საკითხი.
დავესწარი გორის მუნიციპალიტეტის საკრებულოს საფინანსო-საბიუჯეტო კომისიის 8 სხდომას და მონაწილეობა მივიღე 15 საკითხის განხილვაში.
ასევე, მონაწილეობა მივიღე გორის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიის 5 სხდომას, სადაც განხილულ იქნა 25 საკითხი.
2019 წლის მიმდინარე პერიოდში პერიოდულად ვხვდებოდი ჩემს ამომრჩევლებს სადაც გამოვლინდა შემდეგი სახის პრობლემები:
- სოფელი შინდისი - მწვანე საფარიანი სტადიონის გადატანა, გარე განათების დასრულება, ყოფილი კულტურის სახლის რეაბილიტაცია, სოფელში საჭიდაოს მიმდებარე ტერიტორიაზე გზის საფარის მოასფალტება, შიდა გზების მოხრეშვა, სიჩქარის შემზღუდველი ბარიერების დამონტაჟება, გაზის გაყვანის დროს გზების გადატიხვრის შემდეგ დარჩენილი გზების (მეორეხარისხოვანი გზების) მოხრეშვა, ხარებაშვილების უბანში წყლის მილების განახლება,
- ქ. გორი - შინდისის გზატკეცილი N20 - მიმდებარედ არსებული სკვერის დასუფთავება-რეაბილიტაცია, მიმდებარე ბინის ეზოს ორმოულების ამოვსება ასფალტით, დასაჯდომი სკამების განახლება და მინი სპორტული მოედნის რეაბილიტაცია - შეკეთება
- გორში მაღალსართულიან კორპუსებში მცხოვრები მოსახლეობის თხოვნაა ლიფტების რეაბილიტაცია, შეკეთება, შეღებვა.
