შეხვედრა გენდერული თანასწორობის საბჭოს წარმომადგენლებთან

   საქართველოს სახალხო დამცველის გენდერის დეპარტამენტის წარმომადგენლები - ანა ლობჟანიძე და გვანცა ხარატიშვილი გორის მუნიციპალიტეტის გენდერული თანასწორობის საბჭოს წევრებს შეხვდნენ.
  საუბარი გორის მუნიციპალიტეტში არსებულ გენდერულ ვითარებას შეეხო, კერძოდ ქალთა პრობლემებს და გამოწვევებს, გენდერული საბჭოს როლს ამ პრობლემების ლობირებასა და გადაჭრაში, ასევე მუნიციპალიტეტის მიერ დაგეგმილი და განხორციელებული პროექტების ანალიზს და მათ გავლენას ადგილობრივი მოსახლეობის,   განსაკუთრებით კი ქალების და მოწყვლადი ჯგუფების კეთილდღეობაზე.
   შეხვედრა გაეროს ქალთა ორგანიზაციის მიერ მხარდაჭერილი პროექტის „ქალთა ეკონომიკური გაძლიერება საქართველოში“ ფარგლებში შედგა, რომელსაც სახალხო დამცველის ოფისი ახორციელებს და აწარმოებს თვითმმართველობის ორგანოების გენდერული პოლიტიკის კვლევას ქვეყნის მასშტაბით.

საკრებულოს მიერ გაწეული საქმიანობის ანგარიში

გორის მუნიციპალიტეტის საკრებულოს თავმჯდომარემ დავით რაზმაძემ  საკრებულოს მიერ გაწეული საქმიანობის ანგარიში წარუდგინა დღეს საზოგადოებასა გორის დემოკრატიის სკოლაში. ღონისძიება EECMD-ის ინიციატივით და ორგანიზებით მოეწყო და მას საკრებულოს თანამდებობის პირებთან ერთად, გორის დემოკრატიის  სკოლის კურსდამთავრებულები, არასამთავრობო ორგანიზაციების, მედიის და საზოგადოების წარმომადგენლები ესწრებოდნენ. ანგარიშის მოსმენის შემდეგ საკრებულოს წევრებმა აუდიტორიის შეკითხვებს უპასუხეს და მათი რეკომენდაციებიც მოისმინეს. საკრებულოს და სამოქალაქო საზოგადოების წარმომადგენლებს შორის მორიგი შეხვედრა წლის ბოლოსთვის დაიგეგმა  არასამთავრობო ორგანიზაციების მიერ შეთავაზებული ფორმატის ფარგლებში

საკრებულოს სხდომა. 12 ივლისი

12 ივლისს 11:00 სთ-ზე ჩატარდა გორის მუნიციპალიტეტის საკრებულოს სხდომა.სხდომაზე დღის წესრიგით გათვალისწინებულ მე-19 საკითხს, საკრებულოს წევრთა ხმათა უმრავლესობამ მხარი არ დაუჭირა,ორი საკითხი ინფორმაციის სახით მოისმინეს, ხოლო დანარჩენ საკითხებზე მიღებული იქნა შესაბამისი სამართლებრივი აქტები.

დამეგობრებული ქალაქები

  • 1
  • 2

გორის მუნიციპალიტეტი

ხელმისაწვდომი ჯანდაცვა, განათლება, სოციალური პროგრამები, უსაფრთხო გარემო აი, სწორედ ესაა ჩვენი გუნდის პრიორიტეტი, რომლის შესრულებისათვისაც მაქსუმალურს გავაკეთებთ.

დავით რაზმაძე

კონტაქტი

  ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.
  +995 599 85-17-00 
  +995 599 85-18-30
  სტალინის გამზირი #16

გვადევნე თვალი