ანონსი

ნონსი
30 აგვისტოს15.00 სთ-ზე გაიმართება გორის მუნიციპალიტეტის საკრებულოს ბიუროს სხდომა.
საკრებულოს კომისიის სხდომები გაიმართება შემდეგი განრიგით:
2 სექტემბერი
11.00 სთ - საფინანსო-საბიუჯეტო კომისია;
12.00 სთ - სივრცითი-ტერიტორიული დაგეგმარების და ინფრასტრუქტურის კომისია;
15.00 სთ - ჯანდაცვის, განათლების,სპორტის, კულტურის და სოციალურ საკითხთა კომისია;

3 სექტემბერი
12.00 სთ - ქონების მართვის, ბუნებრივი რესურსების, აგრარულ და მიწის საკითხთა კომისია;
15.00 სთ - სამანდატო, საპროცედურო საკითხთა და ეთიკის კომისია;

ბიუროს მეორე სხდომა გაიმართება 5 სექტემბერს 15.00 სთ-ზე.

დაინტერესებულ პირთათვის დასწრება თავისუფალია!
 

გორში საზოგადოებრივი ტრანსპორტის მომსახურების გაუმჯობესებაზე მუშაობენ

მიმდინარე წელს გორში  ავტოპარკის მოწყობა იგეგმება.  ავტობუსების სადგომის და დამხმარე ნაგებობის მოწყობის პროექტი დღეს გამართულ გორის მუნიციპალიტეტის საკრებულოს რიგგარეშე სხდომაზე საკრებულოს წევრებმა ერთხმად მოიწონეს. 

 

აღნიშნული ნაგებობა გორის მუნიციპალიტეტისთვის გადმოსაცემი ავტობუსებისთვისაა განკუთვნილი, რომლის შესაძენად საქართველოს ფინანსთა სამინისტროსა და დონორი ორგანიზაციებთან უკვე მიმდინარეობს მოლაპარაკება. ავტობუსების გადმოცემა დააჩქარებს გორის მუნიციპალიტეტში  საზოგადოებრივ ტრანსპორტთან დაკავშირებული პრობლემების მოგვარებას.

 

ავტოპარკის მოწყობის პროექტის ღირებულებაა  1 120 271 ლარი და დაფინანსდება საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან.  

გორის მუნიციპალიტეტში საგზაო ნიშნების დადგმა და ,,ხელოვნური უსწორმასწორობის“ მოწყობა იგეგმება

გორის მუნიციპალიტეტის საკრებულოს განკარგულებით (N157-ით) უახლოეს ხანში გორის მუნიციპალიტეტის ტერიტორიაზე  საგზაო ნიშნების დადგმა და ხელოვნური უსწორმასწორობის მოწყობა იგეგმება. აღნიშნულ საკითხს 9 აგვისტოს გამართულ საკრებულოს სხდომაზე საკრებულოს წევრთა უმრავლესობამ დაუჭირა მხარი.

განკარგულების მიხედვით რკინიგზის შლაგბაუმიან და უშლაგბაუმო გადასასვლელებზე საგზაო ნიშნები დაიდგმება სოფლებში - ქვახვრელი, შინდისი, ქვემო ხვითი  და  ნიქოზი. აღნიშნულის თაობაზე გორის მუნიციპალიტეტის მერიას საქართველოს რკინიგზის სამმართველომ მიმართა. 

საგზაო ნიშნები დაიდგმება ქ. გორში ტყვიავის ქ.N7-ში საცხოვრებელი კორპუსის მიმდებარედ და სუხიშვილის ქუჩაზეც. ამასთან, ტყვიავის N7-ში ხელოვნური უსწორმასწორობის მოწყობაც იგეგმება.  ამ მოთხოვნით მუნიციპალიტეტის მერიას მიმდინარე წელს მოქალაქეებმა - ეკატერინე ქოთოლაშვილმა და ზურაბ იზორიამ მიმართეს.

საგზაო ნიშნების დადგმა და ,,ხელოვნური უსწორმასწორობის“ მოწყობა ადგილობრივი მოსახლეობის უსაფრთხო გადაადგილებას შეუწყობს ხელს.

დამეგობრებული ქალაქები

  • 1
  • 2

გორის მუნიციპალიტეტი

ხელმისაწვდომი ჯანდაცვა, განათლება, სოციალური პროგრამები, უსაფრთხო გარემო აი, სწორედ ესაა ჩვენი გუნდის პრიორიტეტი, რომლის შესრულებისათვისაც მაქსუმალურს გავაკეთებთ.

დავით რაზმაძე

კონტაქტი

  ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.
  +995 599 85-17-00 
  +995 599 85-18-30
  სტალინის გამზირი #16

გვადევნე თვალი