7 ნოემბერს გორის მუნიციპალიტეტის გენდერული თანასწორობის საბჭოს მიერ გორის მუნიციპალიტეტის სოფელ ვარიანში ჩატარდა საინფორმაციო გასვლითი შეხვედრა. შეხვედრას ესწრებოდნენ ვარიანის, ახალდაბის, საქაშეთისა და ვარიანის მეურნეობის მაცხოვრებლები. საბჭოს სახელით,შეხვედრას უძღვებოდნენ გენდერული თანასწორობის საბჭოს წევრები ლია ოქროპირიძე და ვერა ბიწაძე.
საბჭოს თანამშრომლობის ფარგლებში თან ახლდა ფსიქოლოგი, წამების მსხვერპლთა ფსიქორეაბილიტაციის ცენტრის კოორდინატორი ნინო ბალოიანი.
შეხვედრის მიზანი იყო ინფორმაციის მიწოდება გორის გენდერული თანასწორობის საბჭოს საქმიანობაზე, იმ მიმართულებებზე, რომლებზეც საბჭო იმუშავებს 2022-2024 წლების განმავლობაში.
2022 წლის 18 ნოემბერს, გორის მუნიციპალიტეტის საკრებულოსა და აღმოსავლეთ ევროპის მრავალპარტიული დემოკრატიის ცენტრს შორის ურთიერთთანამშრომლობის მემორანდუმი გაფორმდა.
მემორანდუმის მიზანი და ამოცანებია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა სასწავლო-საგანმანათლებლო, მოქალაქეთა ჩართულობის გაზრდაზე ორიენტირებული პროექტების განხორციელების, თუ რესურსების (მათ შორის, ინტელექტუალური) გაზიარების გზით.
აქტუალურ საკითხებზე ერთობლივი სამუშაო შეხვედრების, კონფერენციების ორგანიზება; სასწავლო-საგანმანათლებლო პროექტების განხორციელება;
3 ნოემბერს ანა ფერაძის სახელობის გორის სამხატვრო სკოლაში, გორელი მხატვრის,ლია მინდიაშვილის ნამუშევრების პერსონალური გამოფენა ,,დრო ვერ წაშლის ყველაფერს’’ გაიხსნა.
